1 1 Yehsuh Gihduz dwg gij lwglan Daqveiq, dwg Yaqbwzlahhanj dih doengh daih gajlaeng; laj neix dwg de dih gyabouh: 2 Yaqbwzlahhanj miz Hijsaj, Hijsaj miz Yajgoz, Yajgoz miz Youzdaq caeuq gij goengjlungz nuengxau Youzdaq. 3 Youzdaq caeuq mehyah de Dahmaj seng miz Fazlwzswh caeuq Seqlah, Fazlwzswh miz Hihswhlwnz, Hihswhlwnz miz Yaqlanz, 4 Yaqlanz miz Yaqmijnazdaz, Yaqmijnazdaz miz Nazswnq, Nazswnq miz Sajmaenz, 5 Sajmaenz caeuq mehyah de Lahhoz miz Boh'ahswh, Boh'ahswh caeuq mehyah de Luqdwz miz Ngozbiqdwz, Ngozbiqdwz miz Yehsih, 6 Yehsih miz Daqveiq goengjvuengz neix. Daqveiq goengjvuengz neix caeuqmehyah Uhliqyaq miz Sojlozmaenz, 7 Sojlozmaenz miz Lozboh'anh, Lozboh'anh miz Yaqbijyaj, Yaqbijyaj miz Yaqsaj, 8 Yaqsaj miz Yozcahfaz, Yozcahfaz miz Yozlanz, Yozlanz miz Uhsihyaq, 9 Uhsihyaq miz Yozdanj, Yozdanj miz Yaqhahswh, Yaqhahswh miz Hihsihgyah, 10 Hihsihgyah miz Majnazsih, Majnazsih miz Yaqmaenz, Yaqmaenz miz Yozsihyaq. 11 Mwhgij vunz Hijswzlez ngaiz gaemh dawz boenq bae Bahbijlwnz hih mwhde, Yozsihyaq miz Yehgohnizyaj caeuq doengh daegnuengx de. 12 Ngaiz gaemh dawz boenq bae daengz Bahbijlwnz le, Yehgohnizyaj miz Sajlahdez, Sajlahdez miz Sojlozbahbwz, 13 Sojlozbahbwz miz Yaqbijhiq, Yaqbijhiq miz Hijliqyaqgingq, Hijliqyaqgingq miz Yaqsoj, 14 Yaqsoj miz Sajduz, Sajduz miz Yaqgimh, Yaqgimh miz Hijliz, 15 Hijliz miz Hijliqyaqsaj, Hijliqyaqsaj miz Majdanq, Majdanq miz Yajgoz, 16 Yajgoz miz Yozswz. Yozswz couh dwg goeng gojyez Majliqyaq, Majliqyaq couh dwg daxmeh Yehsuh, couh dwg boux heuh Gihduz dih Yehsuh. 17 Ciuq yienghneix suenq hwnjdaeuj, dajlwh Yaqbwzlahhanj daengz Daqveiq itgungh miz cibseiq daih. Yiengq caiq dajlwh Daqveiq daengz mwh gij vunz Hijswzlez ngaiz boenq buen bae daengz Bahbijlwnz hih mwhde, caemh miz cibseiq daih. Caiq dajlwh gij vunz Hijswzlez ngaiz boenq buen bae daengz Bahbijlwnz youq hih mwhde suenq hwnj daengz seng Gihduz caemh dwg miz cibseiq daih. 18 Laj neix couh dwg geiq mwh seng Yehsuh Gihduz he. Mwh daxmeh de Majliqyaq caeuq Yozswz dingh guh gvanjbaz, mijyaengz cingqcaen haq hawj Yozswz haem hih mwhde, Hoenzsaenz Cangqdiq cix hawj de mizndang lo. 19 Goeng de Yozswz dwg boux lauxsaed simndei simsoh he dih vunz hih; de mbouj siengj hawj Majliqyaq saetnaj, couh siengj caegcaeg caeuq de gaij naeuz mbouj caeuq de guh gvanjbaz lo. 20 Hoeng, couh youq mwh de yienghneix naemj hih mwhde, bouxcai Cangqdiq youq ndaw loq de doiq de naeuz: “Yozswz, gij lwglan Daqveiq, mwngz gaejyungh lau aeu Majliqyaq ma guh yah, aenvih de raek hih laeq lwg neix dwg Hoenzsaenz Cangqdiq soengq hawj de he. 21 De gaengjdingq seng miz daeglwg he; mwngz ij an coh hawj de heuh Yehsuh, aenvih de ij gouq gij vunz de daj ndaw coih ok ma.”(‘Yehsuh’ couh dwg ‘gouq vunz’ dih iqswh.) 22 Gij saeh neix cingqgawq lingz ok Cangqdiq hawj boux cenz gij vah de naeuz goq naeuz: 23 Gaengjdingq ij miz lwgsau mijyaengz caeuq vunzsai ninz goq haem couh miz lwg lo. Gij vunz ij heuh laeq lwg neix heuh Hijmajneiqliq hih gawq vah neix lo. (‘Hijmajneiqliq’ couh dwg ‘Cangqdiq caeuq raeuz youq’ dih iqswh.) 24 Gajlaeng, Yozswz singj le, couh ciuq gij vah bouxcai Cangqdiq raengq hih yienghmwnq bae aeu Majliqyaq ma guh yah lo. 25 Hoeng, de youq mwh Majliqyaq mijyaengz seng lwg mwhde, de itcig cungj mij caeuq de ninz goq. Couh yienghneix, laeq lwg neix seng okdaeuj le, Yozswz couh an coh hawj de heuh Yehsuh.
Prev
Play
Next
Volume
Speed
0.7511.251.52