1 1 Eliivuru ya nloko na Yesu Kristu, Mwaana a Taviti ni Mwaana a Aparahaamu. 2 Aparahaamu aahimuyara Isakhi, Isakhi aahimuyara Yakope, Yakope aahimuyara Yuta n'axinnawe. 3 Yuta aahimuyara Peresi ni Serahi mai aya aari Tamari, Peresi aahimuyara Hesiromi, Hesiromi aahimuyara Arami; 4 Arami aahimuyara Aminatapi, Aminatapi aahimuyara Nasomi, Nasomi aahimuyara Salimoni. 5 Salimoni aahimuyara Powasi mai aya aari Raapi Powasi aahimuyara Opeti meyaawe aari Ruti. Opeti aahimuyara Yese. 6 Yese aahimuyara mwene Taviti, nave mwene Taviti aahimuyara Salomoni: Mai awe Salomoni aatheliwa ni Uriya. 7 Salomoni aahimuyara Ropowamu, Ropowamu aahimuyara Apiya, Apiya aahimuyara Asa. 8 Asa aahimuyara Yosafati, Yosafati aahimuyara Yorami, Yorami aahimuyara Usiya. 9 Usiya aahimuyara Yotami, Yotami aahimuyara Akhasi, Akhasi aahimuyara Esekiya. 10 Esekiya aahimuyara Manase, Manase aahimuyara Amoni, Amoni aahimuyara Yosiya. 11 Yosiya aahimuyara Yekoniya n'axinn'awe Okathi uwo atthu a Israyeli yahirowaniwa oPapilooni. 12 Numala orowaniwa oPapilooni, Yekoniya aahimuyara Salatiyeli, Salatiyeli aahimuyara Soropapeli. 13 Soropapeli aahimuyara Apiyuti, Apiyuti aahimuyara Eliyakimi, Eliyakimi aahimuyara Asori. 14 Asori aahimuyara Satoki, Satoki aahimuyara Akimi, Akimi aahimuyara Eliyuti. 15 Eliyuti aahimuyara Eleyasari, Eleyasari aahimuyara Mathani, Mathani aahimuyara Yakope. 16 Yakope aahimuyara Yosefe, aari iyaawe Maria yoowo aamuyanre Yesu oniihaniwa Kristu. 17 Nto, okhuma Aparahaamu mpakha Taviti, yaari maloko muloko ni maxexe; okhuma Taviti mpakha orowaniwa oPapilooni yaari-tho maloko muloko ni maxexe: Okhuma oPapilooni mpakha Kristu, nlelo yaari maloko muloko ni maxexe. 18 Oyariwa wa Yesu Kristu wiiren'ye so: Maria maam'awe Yesu, aahakameliwa ni Yosefe, nto ehinatthi okhala vamosa, Maria aahirupala nuwerya wa Erooho Yooreera. 19 Yosefe owo iy'awe Maria aari mutthu a xariya, khaatthuna omulaleya. Tivo aahuupuwela omuhiya nimwiittiha. 20 Atthokelelaka siisaale, munkelo w'Apwiya aahimukhumelela mulohani khumuhimeerya wira: ?Nyuwo Yosefe, mwaana a Taviti muhoovelele omwaakhela Maria okhala mwaar'inyu, mwaana omurupanl'awe onrwa mwa Erooho Yooreera. 21 Maria onoomuyara mwaana, yoowo munrowanyu onvaha nsina na Yesu: V'ekeekhayi owo onowoopola atthu awe wa sottheka s'aya.? 22 Itthu iya sothene sikhumelenle wira siiraneye sahimmy'aya Apwiya ni moolumo a profeta wira: 23 Mwiiwe: Mwali ohitonko okumanela ni mulopwana2 onoorupala amuyare mwaana. Mwaan'owo onimwihaniw2 Emanuweli. Nsina nla nnihimya wira: Muluku ori ni hiyo. 24 Yosefe, vaavenyaly'awe mulohani, aahiira siisaale saarummw'awe ni munkelo a Apwiya, khumwaakhela Maria okhala mwaar'awe. 25 Nto ahikumanne ni yoowo, Maria aahimuyara mwan'awe mwamulopwana, yoowo Yosefe anvahaly'awe nsina na Yesu.
Prev
Play
Next
Volume
Speed
0.7511.251.52