1 1 अब्राहम कर खन्दान दाऊद कर खन्दान यीशु मसीह कर खन्दान, ई नियर आहे। 2 अब्राहम से इसहाक जनमलक, इसहाक से याकूब, याकूब से यहूदा आउर उकरे भाईमन जनमलंय, 3 यहूदा से फारेस आउर जोरह जनमलक। ईमन कर माय तामार रहे। फारेस से हिस्रोन जनमलक, आउर हिस्रोन से एराम जनमलक। 4 एराम से अम्‍मीनादाब जनमलक, अम्‍मीनादाब से नहशोन, आउर नहशोन से सलमोन जनमलक। 5 सलमोन आउर राहब से बोअज जनमलक, ईमन कर माय तामार रहे। बोअज आउर रुत से ओबेद, आउर ओबेद से यिशै जनमलक। 6 यिशै से दाऊद राजा जनमलक। दाऊद से सुलेमान जनमलक, सुलेमान कर माय बेतसेबा जे आगे उरियाह कर आउराइत रहे। 7 सुलेमान से रहबाम जनमलक, रहबाम से अबियाह, आउर अबियाह से आशा जनमलक। 8 आशा से यहोशापत जनमलक, यहोशापत से योराम, आउर योराम से उजियाह जनमलक। 9 उजियाह से योताम जनमलक, योताम से आहज, आउर आहज से हिजीकियाह जनमलक। 10 हिजीकियाह से मनश्‍शे जनमलक, मनश्‍शे से आमोन, आउर आमोन से योशियाह जनमलक। 11 आउर बन्‍धुवाइ होइके बेबीलोन देश जायक बेरा में योशियाह से यकून्‍याह आउर उकर भाईमन जनमलंय। 12 आउर बन्‍धुवाइ होइके बेबीलोन पोंहचेक कर पाछे यकून्‍याह से शालतिएल जनमलक आउर शालतिएल से जरुबाबेल जनमलक। 13 जरुबाबेल से अबीहूद जनमलक, अबीहूद से इलियाकीम, आउर इलियाकीम से आजोर जनमलक। 14 आजोर से सदोक जनमलक, सदोक से आखीम, आउर आखीम से इलीहूद जनमलक। 15 इलीहूद से इलियाजार जनमलक, इलियाजार से मत्तान, आउर मत्तान से याकूब जनमलक। 16 आउर याकूब से यूसुफ जनमलक, जे मरियम कर दुल्‍हा रहे, आउर मरियम से यीशु जनमलक, जे मसीह कहलायल। 17 ई नियर अब्राहम से दाऊद तलुक जम्‍मा चौदह पिड़ही, आउर दाऊद से बेबीलोन देश बन्‍धुवाइ जायक तलुक चौदह पिड़ही, आउर बेबीलोन जायक से मसीह तलुक चौदह पिड़ही होलक। 18 यीशु मसीह कर जनम ई नियर होलक। जब उकर माय मरियम कर लोटा-पानी यूसुफ कर संगे होलक, तो उमन कर एक-डिसना होवेक आगहे, उ पबितर आतमा बट से आशापति पावल गेलक। 19 तो उकर दुल्‍हा यूसुफ, जे धरमी रहे, आउर मरियम कर बदनाम करेक नी खोजत रहे, उ उके चुपहे से छोइड़ देवेक कर बिचार करलक। 20 जे बेरा उ ई बात कर सोंच में रहे, तो प्रभु कर सरग दूत उके सपना में दिसतार देलक आउर कहेक लागलक, “हे यूसुफ दाऊद कर खन्दान, तोय आपन आउराइत मरियम के तोर हिंया लेइ आनेक से मइत डराव, कालेकि जे उकर कोंख में आहे, उ ईश्‍वर कर पबितर आतमा बट से आहे। 21 उ बेटा के जनम देवी आउर तोय उकर नाम यीशु रखबे, कालेकि उ आपन आबदिनमन के उमन कर पाप से उद्धार करी।” 22 ई सोब एहे ले होलक कि जे बचन प्रभु गो आगमबक्ता बट से कइह रहे, उ पूरा होक कि, 23 “देखा, एगो कुवांरी आशापति होवी आउर एगो बेटा के जनम देवी, आउर उकर नाम ‘इम्‍मानुएल’ राखल जाइ, जेकर माने हेके, ‘ईश्‍वर हमरे कर संग।’” 24 तले यूसुफ नीन्‍द से जाइग के प्रभु कर दूत कर हुकूम मोताबिक आपन आउराइत के आपने हिंया लेइ आनलक। 25 आउर जब तलुक मरियम बेटा के जनम नी देइ रहे, तब तलुक उमनकर एके डिसना नी होलक। आउर उ उकर नाम यीशु राखलक।
Prev
Play
Next
Volume
Speed
0.7511.251.52