1 1 Kore kuna arn naasira eirukuruko tene, naa noo lmakui le Yeso Kristo, layieni le Daudi, layieni le Abraam. 2 Etiiwua ꞉Abraam Isaka, neiu ꞉Isaka Yakobo, neiu ꞉Yakobo Yuda o lalachera lenyena, 3 neiunyie ꞉Yuda Tamar layiok oaare, aa Peres o Sera, neiu ꞉Peres Esiron, neiu Esiron Aram, 4 neiu ꞉Aram Aminadab, neiu ꞉Aminadab Naachon, neiu ꞉Naachon Salmon, 5 neiu ꞉Salmon Boas te nkitok enye Raab, neiu ꞉Boas Obed te nkitok enye Rrut, neiu ꞉Obed Yese, 6 neiu ꞉Yese Lkinki Daudi. Neiu ꞉Daudi Solomon te nkitok e Uria. 7 neiu ꞉Solomon Reoboam, neiu ꞉Reoboam Abiya, neiu ꞉Abiya Asa, 8 neiu ꞉Asa Yosapat, neiu ꞉Yosapat Yoram, neiu ꞉Yoram Usia, 9 neiu ꞉Usia Yotam, neiu ꞉Yotam Aas, neiu ꞉Aas Esekia, 10 neiu ꞉Esekia Manase, neiu ꞉Manase Amon, neiu ꞉Amon Yosia, 11 neiu ꞉Yosia Yekonia o lalachera lenyena ta ng'amata apa natarayieki ninche aaya nkop e Babilon. 12 Kore tesiedi ng'amata natarayieki ltung'ana le Isirael aaya Babilon, neiu ꞉Yekonia Chealtiel, neiu ꞉Chealtiel Serubabel, 13 neiu ꞉Serubabel Abiud, neiu ꞉Abiud Eliakim, neiu ꞉Eliakim Asor, 14 neiu ꞉Asor Sadok, neiu ꞉Sadok Akim, neiu ꞉Akim Eliud, 15 neiu ꞉Eliud Eleasa, neiu ꞉Eleasa Matan, neiu ꞉Matan Yakobo, 16 neiu ꞉Yakobo Yosep, lpayian le Maria, inia natiiwua Yeso oji Mesia. 17 Neaku naa kore ntowuoitin pooki, ang'asu Abraam metabaki Daudi naa tomon o ong'uan. Naa kore ang'asu Daudi metabaki inia ng'amata natarayieki ltung'ana le Isirael aaya Babilon, naa tomon o ong'uan, naa kore ang'asu inia raroto e Babilon metabaki Mesia naa tomon o ong'uan. 18 Kore apa inoto e Yeso Kristo, naa nji eikununo: Kore eidipa Yosep atasayia Maria, ng'otonye Yeso, nelioi ajo ketunute to ngolon e Ltau Sinyati, abaki eitu eboita ninche. 19 Kore tankaraki kera apa Yosep, lpayian lenye, ltung'ani loosipat, nemeyieu neitam ninye anyit, neyieuu ta ltau neleliari aing'uaa ninye. 20 Kore ewuon erare ninye ana bae, neipung'oki ꞉lmalaika la Laitoriani te nkidetidetata nejoki ninye, “Yosep, layieni lo ltim le Daudi, miurie aawa Maria aitaa nkitok ino, amu kore nutai enye naa ne Ltau Sinyati. 21 “Naa keiu ꞉ninye layieni, ning'amaki nkarna ajo Yeso amu keitejeu ꞉ninye ltung'ana lenyena too ng'ok enche.” 22 Naa ketaasate kuna pooki payie ebaya lkilikuai la Laitoriani to loiboni lenye ejo, 23 “Ng'ura kore inia oliontoi neitu eboitiere lee, naa keiu layieni neji nkarna enye Emanuel.” Kore inia arna naa “Nkai tenebo o iyioo.” 24 Kore payie einyuototo Yosep too njuo, neas ana natiaka ꞉lmalaika la Laitoriani, nerik Maria aitaa nkitok enye. 25 Kake eitu eboitiere ninye ana metiiu inia kerai enye, neng'amaki nkarna naji Yeso.
Prev
Play
Next
Volume
Speed
0.7511.251.52