1 1 Yesu Kirisa nᴐhᴐ tayirige sɛmɛ w'a we. Yesu ya foro saannaa Dawuda shi ni, Dawuda d'a foro Ibirayima shi ni. 2 Ibirayima w'a Ishaaga se. Ishaaga di Yakuba se. Yakuba di Zhuda ni wu ceboronamaa se. 3 Zhuda di Fɛrɛsi ni Zara se, pu nu wu bye Tamari. A Pɛrɛzi di Ɛsirᴐmu se, Ɛsirᴐmu di Arami se. 4 Arami di Aminadabi se. Aminadabi di Nasᴐn se. Nasᴐn di Salimᴐ se. 5 Salimᴐ di Bowazi se, wu nu wu bye Araxabi. Bowazi di Obɛdi se, wu nu wu bye Wuruti. Obɛdi di Zhese se. 6 Zhese di saannaa Dawuda se. Saannaa Dawuda di Solomani se, wee nu wu bi fɛnhɛ pye Uri shᴐ. 7 Solomani di Orobowamu se. Orobowamu di Abiya se. Abiya di Azafu se. 8 Azafu di Zhozafati se. Zhozafati di Zhoramu se. Zhoramu di Oziyazi se. 9 Oziyazi di Zhowatamu se. Zhowatamu di Akazi se. Akazi di Ezekiyasi se. 10 Ezekiyasi di Manase se. Manase di Amᴐ se. Amᴐ di Zhoziyasi se. 11 Zhoziyasi di Zhekoniya ni wu ceboronamaa se. Wee tuun wu ni a p'i Izirayɛli sipyii pu co na kari Babilᴐni ni. 12 Pee sipyii pu na co xᴐ na kari Babilᴐni ni, a Zhekoniya di Salacɛli se. Salacɛli di Zorobabɛli se. 13 Zorobabɛli di Abiyudi se. Abiyudi di Eliyakimu se. Eliyakimu di Azᴐri se. 14 Azᴐri di Sadᴐki se. Sadᴐki di Akimu se. Akimu di Eliyudi se. 15 Eliyudi di Eleyazari se. Eleyazari di Matan se. Matan di Yakuba se. 16 Yakuba di Yusufu se. A Yusufu di bye Mariyama poo we. Yesu we w'a yiri Kirisa ge, a Mariyama di wee se. 17 Shi wu segee kɛ ni shishɛɛrɛ wu ɲɛ Ibirayima ni Dawuda tɛ ni. Lee kadugo na a shi wu segee kɛ ni shishɛɛrɛ di bye Dawuda ni Izirayɛli shɛɛn coduun wu tɛ ni na kari Babilᴐni ni. A shi wu segee kɛ ni shishɛɛrɛ di bye na lᴐ wee tuun wu na na pa gbara Yesu seduun wu na. 18 Yesu Kirisa segana li le. Wu nu Mariyama wu bi bye Yusufu curᴐ. Ga na pu yaha pu sanha binnɛ ɲa wɛ, a Fɛfɛɛrɛ Munaa sefɛɛrɛ di digi Mariyama na, a w'i yere yacɛrɛ na. 19 Wu curᴐ Yusufu wu bye sipyitiimɛ, wu funŋᴐ bye wu Mariyama mɛgɛ kyɛɛgi wɛ. A w'i li kᴐn wuyɛ funŋᴐ ni na w'i tee curᴐrᴐ te kyɛɛgi ŋmᴐhᴐrᴐ ni. 20 Na Yusufu yaha ni kee fungᴐngᴐ ki ni, a Kilɛ wo mɛlɛkɛ wa di ba wuyɛ shɛ wu na ŋmunᴐgᴐ ni, na yi jo wu mu na: "Dawuda ja Yusufu, ma ganha bu fya Mariyama leŋɛ na wɛ, bani Fɛfɛɛrɛ Munaa sefɛɛrɛ ni w'a yere yacɛrɛ na. 21 Wu na ba funana se, m'a lee mɛgɛ le Yesu, bani wu na ba wu sipyii pu shᴐ pu jurumu wu na." 22 Kee keree ki bɛɛri ya pye mu, kᴐnhᴐ Kafᴐᴐ Kilɛ bi yemu jo wu taatuunnᴐ li wo Kilɛ tudunmᴐ wu ɲᴐ ni ge, yee ɲᴐ di fa na: 23 "Li wii, doɲiŋɛ fucɛri nacɛbaa na ba yere yacɛrɛ na, na funana se. Li mɛgɛ na le na 'Emanuwɛli,' " lee kᴐri ɲɛ "Kilɛ ɲɛ w`ee niŋɛ ni." 24 Ba Yusufu ya y`iri ŋmunumᴐ pu na wɛ, na li pye na bɛ ni Kafᴐᴐ wu mɛlɛkɛ wu wo kafilajo wu ni. A wu Mariyama furu pᴐ. 25 Ga pu ya pinnɛ ɲa wɛ, fo na shɛ Mariyama pye w'a tigi wu funazhiire na. A Yusufu di pya wu mɛgɛ le Yesu.
Prev
Play
Next
Volume
Speed
0.7511.251.52