1 1 Yesus Kristus era oj fen ofon medina raja Daud dokun medina Abraham tin. Dokun Ofa ofon medina susui noga eri ufui emedim era nokef ohot, 2 Abraham era Ishak ofon meka, Ishak ofon efer Yakub, Yakub ofon efer Yehuda dokun ofon mokeser susui tin, 3 Yehuda ofon efer Peres dokun Zerah (Ergog ergen mosu owoka Tamar.) Peres ofon efer Hezron, Hezron ofon efer Ram, 4 Ram ofon efer Aminadab, Aminadab ofon efer Nahason, 5 Nahason ofon efer Salmon, Salmon ofon efer Boas, (Boas ofon mosu owoka Rahab.) Boas ofon efer Obed. (Obed ofon mosu owoka Rut.) Obed ofon efer Isai, 6 Isai ofon efer raja Daud. Eresha raja Daud eja oros mona noga isnok ised isnok Israel dokun urka eri jig mou Babel era Yesus ofon mediner nokef ohot, Raja Daud ofon efer Salomo (Salomo ofon mosu era Uria ofon mohena sokomou. Eda Uria ofon mohena es Daud ofon mohena.) 7 Salomo ofon efer Rehabeam, Rehabeam ofon efer Abia, Abia ofon efer Asa, 8 Asa ofon efer Yosafat, Yosafat ofon efer Yoram, Yoram ofon efer Uzia, 9 Uzia ofon efer Yotam, Yotam ofon efer Ahas, Ahas ofon efer Hizkia, 10 Hizkia ofon efer Manasye, Manasye ofon efer Amon, Amon ofon efer Yosia, 11 Yosia ofon efer Yekhonya dokun ofon mokeser tin. (Nomi jig mona noga isnok susui ita eri noga Israel jig mou Babel.) 12 Jig mona noga isnok Israel uksomus fen Babel jig erin mowos eja oros mona noga Yesus oj fen ofon mosu era Ofa ofon medina nokef ohot, Yekhonya ofon efer Sealtiel, Sealtiel ofon efer Zerubabel, 13 Zerubabel ofon efer Abihud, Abihud ofon efer Elyakim, Elyakim ofon efer Azur, 14 Azur ofon efer Zadok, Zadok ofon efer Akhim, Akhim ofon efer Eliud, 15 Eliud ofon efer Eleazar, Eleazar ofon efer Matan, Matan ofon efer Yakub, 16 Yakub ofon efer Yusuf, dokun Maria era Yusuf ofon mohena. Dokun Maria era noga eker rot ofon efer Yesus. Yesus era noga isnok ijeka Kristus noga emen esha ni esed ofon isnok Israel fen erin mar noga okum. 17 Esha eda, isnok efca ibah setka tahgur okun era noga uj fen Abraham eja oros Daud. Dokun isnok efca ibah setka tahgur okun era noga uj fen raja Daud eja oros mona noga isnok ised eri noga Israel jig mou Babel. Dokun isnok efca ibah setka tahgur okun era noga uj fen eri noga Israel jig mona noga eri uksomus jig erin mowos eja oros mona noga Yesus oj fen ofon mosu. 18 Nokef era osok jig rot tinefa Yesus es Maria ofon efer. Jig mona noga Yesus omoj fen ofon mosu neesa, eda ofon mosu noga owoka Maria era Yusuf ofon osorojga ofui noga imahima jig mona eyet. Tina jig mona noga ergog yememahima neesa, eda Allah okecic gug Maria rot ohot, eresha owas fen Efena Efsa era ofa emita odui okum rot ofon efer. 19 Kak nomi eda, kusnoga Yusuf eg rot ohot Maria efega okum rot efer jog, esha eda ofa orusoht rot ohot ergog yemekejema gijga, eroga yememahima era. Tina Yusuf era osnok erges noga owoka oifomof, esha eda ofa orusoht rot ohot ergog yemekejema amsa mefim gijga, esha ni isnok ugnunui imeg rot era. Eda isnok imah mar ofor rot Maria ofon owoka era. 20 Tina jig mot erges, kusnomi tin Yusuf eitej omh ros, eda ofa ahasha mar. Dokun mar noga ofa ahasha rot era nokef: Ofa ek malaikat erges noga en fen Allah. Dokun malaikat erges nomi odu gug ofa ohot, "Yusuf, noga oj fen raja Daud, bua busotka buwun busorojga Maria gijga. Bimemesa rot edak. Esha Efena Efsa Allah era oj jig Maria odui ewes, eroga odog rot ofon efer nokef. 21 Ofa emeker rot ofon efer es. Dokun bua bijeka Ofa ofon owoka Yesus, esha owoka nomisi ofon ofui ohot, 'Ofa emesed ofon isnok fen erin mar noga oskur.' " 22 Mar nomisi romreg eisaha jen kak nomi, esha ni mar noga Tuhan odu gug ofon nabi-nabi sis eteu jog era emah jig ofon efer se. Mar noga Allah odu rot nomisi era nokef ohot, 23 "Ej efer erges noga efega emes erges jera orna ergem tin neesa, ofa ofon efega era omokum rot ofon efer. Eda, ofa omok rot ofon efer es erges se. Dokun isnok imejeka ofon efer nomi owoka Imanuel. Owoka erges nomi ofon ofui ohot, 'Allah eneker jera mif.' " 24 Kak nomi esha eda, Yusuf osotka Maria kak ofon mohena jen kak mar noga malaikat erges odu rot gug ofa neeki jog. Eda Maria eja eker jera Yusuf jig ofon mod. 25 Tina ergen yefega emes erges neesa esebra eja oros Maria eker rot ofon efer es erges nomi roga. Eda, Yusuf ejeka ofa ofon owoka Yesus.
Prev
Play
Next
Volume
Speed
0.7511.251.52