1 1 fǝđǝlǝŋǝđia iđi đǝyesu masiya iđia gǝḏawuḏ na iđia gibrayim. 2 ibrayim galǝŋo isag na isag galǝŋo yagub na yagub galǝŋo yawuḏa na lorlden. 3 na đamar galǝŋǝṯu yawuḏa faris na sara na faris galǝŋo asrun na asrun galǝŋo aram. 4 na aram galǝŋo aminaḏab na aminaḏab galǝŋo nasun na nasun galǝŋo salmun. 5 na rayab galǝŋǝṯu salmun buas na rawuđ galǝŋǝṯu buas ubiḏ na ubiḏ galǝŋo yassi. 6 na yassi galǝŋo ḏawuḏ igi gaɽ elǝŋ. na wasen uriyya galǝŋǝṯu ḏawuḏ suliman. 7 na suliman galǝŋo rawabawum na rawabawum galǝŋo abiyya na abiyya galǝŋo asa. 8 na asa galǝŋo yawusafaṯ na yawusafaṯ galǝŋo yuram na yuram galǝŋo ussiyya. 9 na ussiyya galǝŋo yuđam na yuđam galǝŋo awas na awas galǝŋo asgiyya. 10 na asgiyya galǝŋo manassa na manassa galǝŋo amun na amun galǝŋo yusiya. 11 na yusiya galǝŋo yakuniya na lorlden liga leđa lamameinu alo ibabil. 12 ndǝ leđa lamameinu đǝge alo ibabil yakuniya galǝŋo salṯil na salṯil galǝŋo sarabbabil. 13 na sarabbabil galǝŋo abiwuḏ na abiwuḏ galǝŋo aliagim na aliagim galǝŋo asur 14 na asur galǝŋo saḏug na saḏug galǝŋo akim na akim galǝŋo aliuḏ 15 na aliuḏ galǝŋo aliasǝr na aliasǝr galǝŋo maṯṯan na maṯṯan galǝŋo yagub. 16 na yagub galǝŋo yusǝf ebaŋgen gǝmiriam igi galǝŋo yesu igi gënǝjǝnu al masiya. 17 nṯia iliga librayim orn iliga lǝḏawuḏ đǝlǝŋǝđia đaɽo ređ na marldwan, na iliga lǝḏawuḏ orn iliga leđa lamameini alo ibabil đǝlǝŋǝđia đaɽo ređ na marldwan, na iliga leđa lamameinu alo ibabil orn iliga lal masiya đǝlǝŋǝđia đaɽo red na marldwan. 18 đǝlǝŋǝnia đal masiya đaɽo ṯia. ndǝ lǝŋgen gǝbernia miriam yusǝf gamǝma liga lënǝŋulu lamǝlu lǝldǝgandra, gënǝŋu gafiđǝnu gwonḏaico usilaga gatǝɽe. 19 ebaŋgen igi gǝbernia yusǝf guđǝrwaṯo eŋen na gero gwonaṯa miriam gǝlǝŋini ṯa giđu mǝnna nṯia gwonaṯa gamaneđa ŋamǝɽa. 20 gënǝŋu gafo gerṯo ŋen iŋi eŋaṯǝɽa orn mǝlaiyǝka nḏǝmeṯa nano iŋuriđ nḏǝmeiṯi ṯa, yusǝf, iđia gǝḏawuḏ, ŋerṯe agiđǝñalo agǝmaṯa wasalo eɽa gǝlaɽǝŋa ŋen ŋanṯa miriam gwonḏaico usilaga gatǝɽe. 21 gënǝŋu giđ aŋǝlǝŋe ŋere ŋaɽorra na agiđi ŋamënǝci yesu ŋen ŋanṯa gënǝŋu giđ aŋëbǝri leđa ǝllëɽǝŋu eŋen eŋen ŋeicia. 22 ŋen ŋaɽo ṯia ṯa ŋen elǝŋ rǝmwa ralwaɽo nabiga aŋǝɽiñađeini. nabi gaṯa ṯa 23 đeṯam ŋere iŋi ŋaijǝba eđa gaɽorra kwai kwai ŋiđ aŋwonḏaiee na ŋiđ aŋǝlǝŋe iđia na iđia giđ aŋënǝjǝni imanuwil. irǝŋ ganǝnu ṯia, rǝmwa lǝgafǝrlda. 24 ndǝ yusǝf gatwođo iŋuriđ nǝŋiđi ŋen ŋarno mǝlaiyǝka đǝlwaɽǝṯǝma nǝŋǝmamaṯe wasen egeɽa gǝlëɽǝŋu, 25 orn lafo laber ldǝgandra liga gamǝlu galǝŋa ŋere ŋaɽorra. na gënǝŋu nǝŋǝmënǝci yesu.
Prev
Play
Next
Volume
Speed
0.7511.251.52