1 1 Buno nibwo obwibulanwa bwa Yesu Kristo, omwichuhulu wa Daudi, omwichuhulu wa Yibbulaimu. 2 Yibbulaimu, yebula Yisaka, Yisaka nae yebula Yakobbo, Yakobbo nae yebula Yuda nende ba mwaanang'ina. 3 Yuda yebula Pereesi nende Seera mu Tamari, ng'inaabwe. Pereesi yebula Hesirooni, Hesirooni nae yebula Raamu; 4 Raamu nae yebula Aminadabbu, Aminadabbu nae yebula Nahasoni, Nasoni nae yebula Salumooni; 5 Salumooni nae yebula Bbowaasi mu Rahabbu, Bbowaasi nae yesi yebula Obbedi mu Luusi, Obbedi nae yebula Yese; 6 Yese nae yebula Daudi owali Omutuki. Daudi nae yebula Solomooni mu muhasi wali owa Uriya; 7 Solomooni nae yebula Rekobbowamu, Rekobbowamu nae yebula Abbija, Abbija nae niyeebula Asa; 8 Asa nae yebula Yekosofati, Yekosofati nae yebula Yolaamu. Yolaamu nae yebula Usiya; 9 Usiya nae yebula Yosamu, Yosamu nae yebula Ahasi, Ahasi nae yebula Hesekia; 10 Hesekia nae yebula Manaase, Manaase nae yebula Amosi, Amosi nae yebula Yosia, 11 Yosia nae yebula Yekonia nende ba mwaanang'ina; mani Abayisirayiri beemao bayirwa mu buboye e Bbabbilooni. 12 Nibamalire ohuyirwa e Bbabbilooni, Yekonia yebula Salatieli, nae yebula Serubbabbeeri, 13 Serubbabbeeri nae yebula Abbiudi, Abbiudi nae yebula Eliakimu, Eliakimu nae yebula Asori; 14 Asori nae yebula Sadooki, Sadooki nae yebula Akimu, Akimu nae yebula Eliudi; 15 Eliudi yebula Eliisa, Eliisa nae yebula Mataani, Mataani nae yebula Yakobbo; 16 Yakobbo nae yebula Yosefu owali wamwe Maria owebula Yesu olaangwa Kristo. 17 Mani enjibulo chiri ehumi nende chine ohutula hu Yibbulaimu ohwoola hu Daudi. Ohutula hu Daudi ohwoola hu huyirwa e Bbabbilooni chosi chali enjibulo ehumi nende chine. Handi ohutula hu huyirwa e Bbabbilooni ohwoola hu hwibulwa hwa Kristo chosi chali enjibulo ehumi nende chine. 18 Ohwibulwa hwa Yesu Kristo hwali huti: Yosefu niyali nafukiirisaanie ohudeehisania nende Maria ng'ina Yesu, nibasisiiri ohubaaho alala, Maria yeyakaana nga ali asito ohwema hu maani ka Mwooyo Mwolerefu. 19 Nae koti Yosefu wamwe yali omuundu omulungifu siyadaha ohuwaambya Maria esoni mu bandu mani yahengao mu mwooyo kwae ohumuleha mungiso. 20 Nae niyali nasibaasa atyo, malaika w'Omwaami yeecha yaamubonehera musilooto yaamuboolera ati, “Yosefu mwaana wa Daudi, otatya ohubukula Maria yaba omuhasi wao. Olwohuba enda eyo si y'omusaacha haba daawe. Yayinyoola hulwa obunyala bwa Mwooyo Mwolerefu. 21 Achia ohwibula omwaana musyaani. Wahamulaange oti Yesu, olwohuba niye ochia ohununula abandu bae ohubatusa mu bibi byaabwe byoosi.” 22 Bino byoosi byeholeha ohwoseresa emboosi cha Nasae chiyalomalomera mu munabbi ati: 23 “Omuhaana muyere osisiiri ohubaaho nende omusaacha yahanyoole amabaanga yebula omwaana musyaani owahalaangwe ‘Manueli’ ” amahulundu mbwe, (Nasae ali naafwe.) 24 Yosefu niyasimuha mundoolo, yahola koti lu malaika w'Omwaami yali amukerakiire. Yosefu yamala yabukula Maria yamuyira yaaba omuhasi wae; 25 nae haba siyabaaho nae koti omusaacha nende omuhasi ohwoola lu Maria yebula omwaana wae oyo, mani bamulaanga Yesu.
Prev
Play
Next
Volume
Speed
0.7511.251.52