1 1 Havah Abraham Chapa, tidit tah David Chapa Jisu Khrista rilam ki laika ava'. 2 Abraham mih Aijek pluwda, Aijek ki Jakob pluwda, Jakob pih Judah le' mu'umnau rek pluw lamda. 3 Judah ngi Perej le' Jera pluwda. Mmaanve nuh avah Tamar. Perej tih Hejron pluwda, ungta Hejron nih Aram pluwda. 4 Aram mih Aminadab pluwda. Aminadab pih Nahshon pluwda, ungta Nahshon nih Salmon pluwda. 5 Salmon nih Rahab tu' Boaj pluw lamda. Boaj tih Ruth tu' Obed pluw lamda. Obed tih Jessi pluwda. 6 Ungta Jessi ngi paamkruwng David pluwda. Paamkruwng David tih mma' tu' tidit tah Uriah snu, ava'tu' Solomon pluw lamda. 7 Solomon nih Rehoboam pluwda. Rehoboam mih Abijah pluwda, ungta Abijah ngi Asa pluwda. 8 Asa ngi Jehoshaphet pluwda, Jehoshaphet tih Jehoram pluwda, ungta Jehoram mih Ujjiah pluwda. 9 Ujjiah ngi Jotham pluwda, Jotham mih Ahaj pluwda, ungta Ahaj tih Hejekiah pluwda. 10 Hejekiah ngi Manasseh pluwda, Manasseh ngi Amon pluwda, ungta Amon nih Josiah pluwda. 11 Josiah ngi Jekoniah le' mnaupa rek avah paamsuwk ki Babylon thah mvanqhi dokin ki mpha arveel lih pluw lamda. 12 Ungta mmaan avah Babylon thah mvanqhi dokin dilli Jekoniah ngi Shealtiel pluwda, ungta Shealtiel lih Jerubbabel pluwda. 13 Jerubbabel lih Abiud pluwda, Abiud tih Eliakim pluwda, ungta Eliakim mih Ajor pluwda. 14 Ajor rih Jadok pluwda, Jadok ki Akim pluwda, ungta Akim mih Eliud pluwda. 15 Eliud tih Eleajar pluwda, Eleajar rih Matthan pluwda, ungta Matthan nih Jakob pluwda. 16 Ungta Jakob pih Joseph pluwda, Joseph tidit avah Jisu tidit tah Khrista mdodit ava' kuplu Mary innpu ava'. 17 Avaleiyi, suruwl mkheng rek avah, Abraham ki ngi David kpha ki suruwl sowm leipli. David thung ki ngi Babylon thung ngi paamsuwk ki ma'amin ava ngi suruwl sowm leipli. Ungta Babylon thung ngi paamsuwk ki ma'amin thung ki ngi Khrista kpha ki ava ngi suruwl sowm leipli. 18 'Tunnu Jisu Khrista ki qouna' avah hanto': Ava' dilli Mma' nuh Mary hinni Joseph pih pau pthlengda. Mmaanve mkurdut duhn nih mma ngi Pthla Kchiir nau hor chda. 19 Pdainu mi'innpu Joseph avah mii kindit khat mkurthuh leiyi, ungta mma ngi Mary a mii dodeh ngi ningkya mdopiik nuwmma leiyi, tuprut tih mma' avah kmapthi rang ngi plung reelda. 20 Mma ngi hava' dow rek leiyi, kirbinda ma'am arlaan nih, Asuwn! Kruwng hinki vaantamsi khat tih mhin nih mmer rih kperdehda, ungta mhin nih hanto'theda: “David chapa Joseph, nang ngi anuwn rang ngi Mary tko'onqhi rang avah ningpqitma'. Mleiya mma ngi kurmuwngda mdohor nau avah Pthla Kchiir hin ki. 21 Ungta mma ngi Chapa khat kuplu rah ungta nang ngi Mma' miing avah ‘Jisu’ dinadih. Mleiya Mma ngi Mma' mii rek avah mupnu rekin thung ki ksan chlam rah.” 22 'Tunnu Kruwng ngi khulpu hinni mdothe dok pau ava' kurkhumna' rang ki thenni hava' dow mkheng rek avah kthuwk. 23 Khulpu ava ngi hanto'theda: “Asuwn, nlakinrim khat avah kurmuwng rah Ungta mma ngi, Chapa khat kuplu rah, Ungta mmaan nih, Mma' miing avah‘Emmanuel’ kdi lamrah'. (Is. 7:14) Ava' ki mningleiya: ‘Isowr rah neentu' ka'am a,’ mdoditna'. 24 Audilli Joseph pih ki'iip mkerdel thungta, Kruwng vaantamsi ngi mhin nih paupiik mdopiik heppi tlow chda. Mma ngi Mary avah mnuwn rang ngi ko'onqhida. 25 Ungta mma ngi mkhatna' kqou Chapa ava' muplukduh kpha thung ngu, mma' avah iiqhivot meh. Ungta Joseph pih Mma' miing avah ‘Jisu’, dida, phuwk chda.
Prev
Play
Next
Volume
Speed
0.7511.251.52