1 1 Yucu ŋalek ce kicesil ce poru aretap mpo Yesu Kristo. Yesu kunye kikeseniyantetap Tauti oŋnku nye kikeseniyantetap Apram. 2 Apram kunye kikwanitap Isaka; Isaka kunye kikwanitap Yakopo; Yakopo kunye kikwanitap Yuta; oko mpo mutakwam alak. 3 Yuta kunye kikwanitap Peres oko Sara (nye kikametimwa ku Tamar.) Peres kunye kikwanitap Keseron; Keseron kunye kikwanitap Ram; 4 Ram kunye kikwanitap Aminatap; Aminatap kunye kikwanitap Nasyon; Nasyon kunye kikwanitap Salmon; 5 Salmon kunye kikwanitap Poas (nye kicekure kamet Rakap;) Poas kunye kikwanitap Opet (nye kicekure kamet Rus); Opet kunye kikwanitap Yese; 6 Yese kunye kikwanitap Kinko Tauti. Tauti kunye kikwanitap Solomon (nye kikamet kunye kikorketap Uriya;) 7 Solomon kunye kikwanitap Reopoam; Reopoam kunye kikwanitap Apiya; Apiya kunye kikwanitap Asa; 8 Asa kunye kikwanitap Yesopat; Yesopat kunye kikwanitap Yoram; Yoram kunye kikwanitap Usiya; 9 Usiya kunye kikwanitap Yosam; Yosam kunye kikwanitap Akas, Akas kunye kikwanitap Kesekiya; 10 Kesekiya kunye kikwanitap Manase; Manase kunye kikwanitap Amon; Amon kunye kikwanitap Yosiya; 11 Yosiya kunye kikwanitap Yekoniya oko mpo mutakwam om pesyosyek cepo yo kicekwere pikap Israel kupa koretap Papulon. 12 Nto om letut yu kowo cekwer piko kupa Papulon, kwek Yekoniya kunye kikwanitap Syiltiyel nye kikwanitap Serupapel; 13 Serupapel kunye kikwanitap Apiwut; Apiwut kunye kikwanitap Eliyakim; Eliyakim kunye kikwanitap Asor; 14 Asor kunye kikwanitap Satok; Satok kunye kikwanitap Akim, Akim kunye kikwanitap Eliut; 15 Eliut kunye kikwanitap Eriesa; Eriesa kunye kikwanitap Masan; Masan kunye kikwanitap Yakopo; 16 Yakopo kunye kikwanitap Yosep santetap Mariyam, nto Mariyam kunye kametitap Yesu nye cekure Kristo, nye poru Ŋapanet. 17 Kunyo kipuntoy pinutek tokol taman ok amwan kuceke Apram okoy Tauti. Kupuntoy yec pinutek taman ok amwan kuceke Tauti okoy ye kicekwere piko kupa Papulon. Kupuntoy yec pinutek taman ok amwan kuceke ye kicekwere piko kupa Papulon okoy ye kiceye Ŋapananato. 18 Yunyi wule kiceyito Yesu Kristo. Nteye kimöce Yosep kule amüt Mariyam kametitap Yesu. Nto kutompo kot komütkey, yoto kutok kule koyat Mariyam lekwet om swametap Muyet Nyetilil. 19 Yosep nye kimöce kule amüt Mariyam kunye ki cito nye kisiken koromun, kunyo kipuryo kot kumöce kule asornen Mariyam, yoto kusyem kule ayaste mamüt nye puryo kot konkete ci tokol. 20 Nteye kimite Yosep kusote ŋalecata tokol om moyenyi; kucontyi malayketap Mokoryontet om kirwotik kumwoci kule, “Yosep, keseniyantetap Tauti, mente anyokoritu memüt Mariyam kwek korkeŋuŋ omnye koyat neto lekwet nyepo swametap Muyet Nyetilil. 21 Mosukucämnkey werit nye meserut nyi kaynenyi Yesu, omnye mosukusop pikyi tokol om miyotyonikwa.’’ 22 Kikwiyokis ŋalecu tokol sukuŋet kwitita kupoyit manta ŋalek ce kiŋalal Mokoryontet kupunune workoyontet nye kimwoy kule: 23 “Mosukukoyakay cepto nye mukul nye menket moron oŋnkuyi wero, mosicekure kaynenyi Emanuel,’’ (nye poru kaynana kule, “Cepontekey acek Yiyintet.’’) 24 Ntowo kuŋete Yosep rwonto; kwiy kuyu wule kukumwoci malayketap Mokoryontet. Yoto komüt neto Mariyam kwek korkenyi. 25 Ntene nye kipuryo kot kutuyo tukway okoy kucämnkey Mariyam werinyi. Yoto kurut Yosep cekure kaynet Yesu.
Prev
Play
Next
Volume
Speed
0.7511.251.52