1 1 Ane na Yesus Kristus eilisang yabo Daud di mangadangden ab, Abraham di mangadangden ab. 2 Abraham di me na Ishak, Ishak di me na Yakub, Yakub di me na Yehuda ab algabo ab. 3 Yehuda di me na Peres ab Zerah ab, sig lin na Tamar, Peres di me Hezron, Hezron di me Ram, 4 Ram di me Aminadab, Aminadab di me Nahson, Nahson di me Salmon, 5 Salmon di me Boas Rahab di, Boas di me Obed Rut di, Obed di me na Isai, 6 Isai di me na Borobne Daud, Daud di me Salomon Uria di gel di, 7 Salomon di me na Rahabeam, Rahabeam di me Abia, Abia di me Asa, 8 Asa di me, na Yosafat, Yosafat di me Yoram, Yoram di me Uzia, 9 Uzia di me Yotam, Yotam mamne na Ahas, Ahas di me Hizkia, 10 Hizkia di me na Manasye, Manasye di me na Amon, Amon di me Yosia, 11 Yosia mamne na Yekhonya ab, algabo ab Babel bobogsiog sum. 12 Babel gigib bobogsiog wenena Yekhonya di Sealtiel manggayog, Sealtiel di me Zerubabel, 13 Zerubabel di me na Abihud, Abihud di me na Elyakim, Elyakim di me Azor, 14 Azor di me Zadok, Zadok di me Akhim, Akhim di me Eliud, 15 Eliud di me Eliazer, Eliazer mamne na Matan, Matan di me na Yakub, 16 Yakub di na Yusuf Maria alegne manggayog, Maria di na Yesus manggayog eildi si na Kristus. 17 Anda nisin isiboga wenena, Abraham ag uboga Daud bareb mangadangden na 14, Daud ag uboga Babel bobogsiog ag ab na mangadangden 14, Babel bobogsiog ag uboga Kristus ag na mangadangden 14. 18 Yesus Kristus mangana´ yubu na aneso unubayog. Li dogne sum nenege na eilin Maria na Yusuf di saboga dolamog, bog alna Geid Gange di me bobog, sig na doldana´ aro bog, 19 anese alegne Yusuf na besarob gangenge anda, gel di si nimi a´osing ag meili nembanag sembia yubu goma´ neng gelelenga lobognun seinilimog. 20 Aneso seiniliyog bog Ayong Weigne di eim nang di lenda ag lelyunggiog. “Yusuf Daud di me log unggom Maria na eindi gel dobloma´ me bomlange nenege na Geid Gange di, 21 Alna nengmabo manggulula´ yogsum eildi si na Yesus singgulom, Eildi mabo meilinge lomag uboga, blebsulula´ se.” 22 Ununa´ nene di Ayong Weigne di damen omoladsin nang ag lemogne sunum ublul aboga. 23 “Goubini gelme dogne me boble di nengmabo manggulula´; manggale wenena Eildi si na Imanuel alamgonga´ anda, Imanuel na Eimayong ab nason ulamab ana´ se.” 24 Yusuf na mamoga´ anda gigib bugog wenena, Ayong Weigne di eim nang di ombarog songe Maria na dobog, ba eildi gel danggayog. 25 Bog neiga´ ag mana´ gom-gom ulamdeg murub, eildi me nengmabo manggayog ba: Yusuf di eildi si na Yesus singgayog.
Prev
Play
Next
Volume
Speed
0.7511.251.52