1 1 Uwɔng ulenɛ lakɔɔl itutum a Jesus Christ wa ussinɛ ka kikkwu a David, la kikkwu Abraham. 2 Abraham ɔfɔɔn Isaac; Isaac ɔfɔɔn Jacob; Jacob ɔfɔɔn Judah la itele a Judah. 3 Judah ɔfɔɔn Perez la Zerah, (Abakka abbɛ ɔdɔkɔ ɔzzanga Tamar); Perez ɔfɔɔn Hezron; Hezron ɔfɔɔn Ram; 4 Ram ɔfɔɔn Amminadab; Amminadab ɔfɔɔn Nahshon; Nahshon ɔfɔɔn Salmon; 5 Salmon ɔfɔɔn Boaz (Rahab ɔdɔkɔnɛ abakka); Boaz ɔfɔɔn Obed (Ruth ɔdɔkɔnɛ abakka); Obed ɔfɔɔn Jesse; 6 Jesse ɔfɔɔn Ubeet David. David ɔfɔɔn Solomon (abakka Solomon ɔdɔkɔ wanavva Uria) 7 Solomon ɔfɔɔn Rehoboam; Rehoboam ɔfɔɔn Abijah; Abijah ɔfɔɔn Asa; 8 Asa ɔfɔɔn Jehosaphat; Jehosaphat ɔfɔɔn Joram; Joram ɔfɔɔn Uzziah; 9 Uzziah ɔfɔɔn Jotham; Jotham ɔfɔɔn Ahaz; Ahaz ɔfɔɔn Hezekiah 10 Hezekiah ɔfɔɔn Manasseh; Manasseh ɔfɔɔn Amon; Amon ɔfɔɔn Josiah; 11 Josiah ɔfɔɔn Jechoniah la itele a Jechoniah ka ɛkɛtɛ ya basamnɛ balɔɔt a Israel bamii ka Babylon. 12 Ka ɛkɛtɛ ya balenɛ ka Babylon; Jechoniah ɔfɔɔn Shealtiel; Shealtiel ɔfɔɔn Zerubbabel; 13 Zerubbabel ɔfɔɔn Abiud; Abiud ɔfɔɔn Eliakim; Eliakim ɔfɔɔn Azor; 14 Azor ɔfɔɔn Zadok; Zadok ɔfɔɔn Achim; Achim ɔfɔɔn Eliud; 15 Eliud ɔfɔɔn Eleazar; Eleazor ɔfɔɔn Matthan; Matthan ɔfɔɔn Jacob; 16 Jacob ɔfɔɔn Joseph walam a Mary, wa ɔdɔkɔnɛ abakka Jesus, wa ulenɛ Ɔlɔɔt wa Ɔlɔɔlɔɔm ɔsanganɛ. 17 Ɔdɔkɔ bɛkkpa ɔsɛlɛzzil, ka ussinɛ ka ɛkɛtɛ Abraham uffu ɔffɔ a ka ɛkɛtɛ a David. Ka ussinɛ ka ɛkɛtɛ a David, ɔdɔkɔ bɛkkpa ɔsɛlɛzzil uffu ɔffɔ ka ɛkɛtɛ ya basamnɛbɛ ɔkkpɛlɛ bamii Babylon. Bɛkkpa ɔsɛlɛzzil ka ussinɛ ka ɛkɛtɛ bamiinɛ Babylon uffu ɔffɔ ɛkɛtɛ bamaatnɛ Ɔlɔɔt wa Ɔlɔɔmɔlɔɔm ɔsanganɛ. 18 Uwɔng ɔdɔkɔnɛ tɛ́ttɛ́ bamaatnɛ Jesus Christ, Joseph ɔdɔkɔnɛ ɔlɔɔt wa ɔggyannɛ Mary, abakka Jesus. Bong tɛ́ttɛ́ ballu, Mary ɔggba lɛsan ɔttɛ vvenɛ ɔmaat waan ka likke Kuyeeng-Ɔlɔɔmɔlɔɔm. 19 Walam ammɛ Joseph ɔdɔkɔ ɔlɔɔt wa ɔnaangnɛ kɔlɔɔk kwa bbwak ɛkɛtɛ ɔkkpɛlɛ, usi lɛggyan ɔttɛ ɔssɛɛn Mary ka izzit ppwool ppwool. Ɔnaang luttina gwa kitunu iggyan ka lalup. 20 Ɛkɛtɛ ya ɔdɔkɔnɛ baang ka uttinanɛ utum lilɔɔk ’sɔng ɔkkpɛlɛ, uyilabɔtɔɔm Ɔlɔɔmɔlɔɔm utuma ka ɛfɛɛn ammɛ ka lɔlakala, ɔlɔɔk la ammɛ ɔttɛ, “Joseph wa kikkwu a David, tɛ̀ttɛ́ ɔbbwɔpɔwɔ kɛtɔk a Mary tɛ̀ttɛ̀ wanavva annɔ. Ɔyɛ̀ɛm ka likke Kuyeeng-Ɔlɔɔmɔlɔɔm. 21 Vvenɛ ɔmaat waanawalam, wa ale akɔlɔmɛ Jesus, ka ule ɔkkala balɔɔt ɔkkpɛlɛ ka bubbi abbɛ.” 22 Nkwɔng kɔnaangbong nkwaaning kule ka lɔkkwɔɔn tɛ̀ttɛ̀ Ɔlɔɔmɔlɔɔm ɔtɔɔmnɛ uppyee-kutolo ammɛ uffu ɔyaam ɔbwɔɔlɔ balɔɔt ammɛ ɔttɛ, 23 “Waanawanavva wa ɔtakanɛ la walam limini vvenɛ ɔyɛɛm ka likke Kuyeeng-Ɔlɔɔmɔlɔɔm ɔmaat waanawalam wa bale bakkwɔɔmɛ Emmanuel.” Ning baang ulenɛ kɛttɛ, “Ɔlɔɔmɔlɔɔm ule la ayyɔɔt.” 24 Ɔzzànga Joseph ufungalanɛ ka bilaa, ɔnaang tɛ̀ttɛ̀ uyilabɔtɔɔm Ebinukkpaapi ɔlɔɔknɛ; ɔtɔk Mary. 25 Ɔzzànga la ammɛ usi limini tɛ́ttɛ́ ɔyɛɛm ɔmaat waanawalam. Joseph ɔkɔlɔmɛ Jesus.
Prev
Play
Next
Volume
Speed
0.7511.251.52