1 1 An t'i'at Dhuchlab abal in xits' yanétal a Jesucristo, tsakamláb k'al a David, tsakamláb k'al a Abraham. 2 A Abraham in tsakámna' a Isaac, ani a Isaac in tsakámna' a Jacob, ani a Jacob in tsakámna' a Judá ani in ebchalchik. 3 A Judá, k'al a Tamar in tsakámna' a Fares ani a Zara, ani a Fares in tsakámna' a Esrom, ani a Esrom in tsakámna' Aram, 4 a Aram in tsakámna' a Aminadab, ani a Aminadab in tsakámna' a Naasón, ani a Naasón in tsakámna' a Salmón; 5 a Salmón k'al a Raáb, in tsakámna' a Booz, ani a Booz k'al a Rut in tsakámna' a Obed, ani a Obed in tsakámna' a Isaí; 6 a Isaí in tsakámna' an ts'álej David. Ani an ts'álej David k'al in tomkílak a Urías in tsakámna' a Salomón; 7 a Salomón in tsakámna' a Roboam, ani a Roboam in tsakámna' a Abías, ani a Abías in tsakámna' a Asa, 8 a Asa in tsakámna' a Josafat, ani a Josafat in tsakámna' a Jorám, ani a Jorám in tsakámna' a Uzías; 9 a Uzías in tsakámna' a Jotam, ani a Jotam in tsakámna' a Acaz, ani a Acaz in tsakámna' a Ezekías; 10 a Ezekías in tsakámna' a Manasés, ani a Manasés in tsakámna' a Amón, ani a Amón in tsakámna' a Josías; 11 a Josías in tsakámna' a Jekonías ani in ebchalchik, ti in k'ijil an ne'dhaxtaláb ti Babilonia. 12 Talbél an ne'dhaxtaláb ti Babilonia, a Jekonías in tsakámna' a Salatiel, ani a Salatiel in tsakámna' a Zorobabel; 13 a Zorobabél in tsakámna' a Abiud, ani a Abiud in tsakámna' a Eliakím; ani a Eliakím in tsakámna' a Azor. 14 A Azor in tsakámna' a Sadok, ani a Sadok in tsakámna' a Akim, ani a Akím in tsakámna' a Eliud, 15 a Eliud in tsakámna' a Eleazar, ani a Eleazar in tsakámna' a Matán, ani a Matán in tsakámna' a Jacob; 16 a Jacob in tsakámna' a José, in tomkíl a María, ju'táj ti wa'tsin a Jesús, bijidh ti a Cristo. 17 Tám, patal an xits' yanétaláb ma k'al a Abraham ani ma k'al a David pél i lajuj tsé' i xits' yanétaláb, ani ma k'al a David, ma ti ne'dhaxtaláb ti Babilonia pél i lajuj tsé' i xits' yanétaláb, ani ma ti ne'dhaxtaláb ti Babilonia ma k'al a Cristo pél i lajuj tsé' i xits' yanétaláb. 18 Xó', in wa'tsintal a Jesucristo antsé' ti k'alej. Tam ti k'wajatak a María in mím konodh abal ti tomikláb k'al a José, ok'oxej ka junkúxin, elan abal tsakámlidhak ti k'al an Espíritu Santo, 19 kom a José, in tomkíl a María, pélak jún i bolidh inik, ani kom yab in lé'ak ki in at'ax t'ilabna', in tsalpay ki in tsinat jilkakay. 20 Po tam ti k'wajatak ti tsalpopól k'al axé', jé'itsk'ij, jún in ángelil an Ajátik tejwa'méj ti in wachíb ani in uluw: Tatá' José, in tsakámil a David, yab ki it jik'ey ka bats'uw a María ti a tomkíl, kom pél k'al an Espíritu Santo ti tsakámlidh. 21 Ani ne'ets ki in ko'oy jún i tsakam t'ele', ani ka punchij ti in bijiy Jesús, kom Jajá' ne'ets ki in k'ániy in bichówil ti k'al in walab. 22 Patal axé' wat'ey abal ka putun jawa' a xi in uluw an tsu'bidh káwlómej ti in ebál an Ajátik, tam ti in uluw: 23 Xó' ka tsu'uw, jún i ít chidhan ne'ets ka tsakámlin, ani ne'ets ki in ko'oy jún i tsakam t'ele', ani ne'etschik ki in bijiy Emmanuel (axé' in lé' ki in uluw:A Dios k'al wawá'). 24 Ani tam ti ejtsin a José, in t'aja' jant'ini' in ángelil an Ajátik in abámal, ani in bats'uw in tomkíl; 25 po yab in exla', ma ti in ko'oy in k'a'ál tsakámil; ani in punchij in bij Jesús.
Prev
Play
Next
Volume
Speed
0.7511.251.52