1 1 Seema Yeesu Kristu yaadima n naami n ŋa. O yaaba niŋi naaba Dawuda, ka naaba Dawuda yaaba mi niŋi Ibrahim. 2 Kusu zaa Ibrahim daa n dogi Isaaka, ka Isaaka mi dogi Yakubu, ka Yakubu mi dogi Juuda, a ni o beya, a ni o sunzoba, 3 ka Juuda ni o poga Tama dogi Pere ni Zara, ka Pere mi dogi Asaron, ka Asaron mi dogi Aram, 4 ka Aram mi dogi Aminada, ka Aminada mi dogi Naason, ka Naason mi dogi Salima, 5 ka Salima ni o poga Areeha dogi Booza, ka Booza ni o poga Aruufi dogi Abeda, ka Abeda mi dogi Jesi, 6 ka Jesi mi dogi Dawuda, so n loobi naaba la, ka naaba Dawuda naa Yuraya poga dogi Sulimaana, 7 ka Sulimaana mi dogi Aroboom, ka Aroboom mi dogi Abiya, ka Abiya mi dogi Asa, 8 ka Asa mi dogi Yoosafa, ka Yoosafa mi dogi Yoora, ka Yoora mi dogi Azaya, 9 ka Azaya mi dogi Joofa, ka Joofa mi dogi Aka, ka Aka mi dogi Hazakaya, 10 ka Hazakaya mi dogi Manasa, ka Manasa mi dogi Amosa, ka Amosa mi dogi Josaya, 11 ka Josaya mi dogi Jekonaya ni o ma biisi, a yi jemanso Babilodima n daa n ti zabi toowa, ka gbaa ba loobi daabirisi, a gaari Babilo paaligu la. 12 Ba n gaa nisaaniŋi, Jekonaya dogi Salatiya, ka Salatiya mi dogi Zarababe, 13 ka Zarababe mi dogi Abu, ka Abu mi dogi Aliyaki, ka Aliyaki mi dogi Azoo, 14 ka Azoo mi dogi Zado, ka Zado mi dogi Akim, ka Akim mi dogi Aliyu, 15 ka Aliyu mi dogi Aliyeza, ka Aliyeza mi dogi Mata, ka Mata mi dogi Yakubu, 16 ka Yakubu mi dogi Joosefi, o naag o poga Mariama. Wune n dogi Yeesu, so ba n boona Kristu la. 17 Lala n na, a yi Ibrahim, a ti paa naaba Dawuda niŋi dogim nuusi pii ni anaasi. A yi naaba maa saŋa, a ti paa jemanso ba n gaa Babilo paaligu la lee n niŋi dogim nuusi pii ni anaasi. A yi jemani maa, a ti paa Yeesu Kristu lee n niŋi dogim nuusi pii ni anaasi. 18 Seema Yeesu Kristu dogim n daa n niŋi n ŋa. O ma Mariama n daa n niŋi suŋguri, ka Joosefi daa n ya n naag u, ka o ni daba maa na bi do, Naawun sii daa n ti o mari puwa. 19 Daba maa n ti baŋŋi n ŋa, o kpabira o zagsi u, ka a kpali daba maa niŋi nivusuŋŋu zu, o kpabira o sogi n zagsi u, vi o da gbaag u. 20 O na n feera yela ŋa, o zaasi zaasim, Naawun malaki n ti yeli u, Joosefi, naaba Dawuda yaŋŋu, da zora dabeem, ka naa Mariama o loobi e poga, a kpali bo, Naawun sii n ti o mari puu la. 21 O ni dogi biduwa, ba digili o yuuri Yeesu, a kpali bo, o ni moligi o baligu, a yi ba yabeeri niŋi. 22 Yela ŋa zaa niŋini maa yaseesi Naawunni n daa n ti o chaame yeli kusu zaa la, a loobi yamonsi. Yaseesi o n daa n ti o yeli maa n ŋa, 23 Ya nyaasi, dindaso suŋguri ni mari puwa, ka dogi biduwa, ka ba boona u Amanuwe. Yuuri maa gbinni niŋi Naawunni ba ti saani. 24 Joosefi n nyisigi gbeem niŋi, o niŋi seema Naawun malaki maa n yeli u, ni o naa Mariama la. 25 O ni nu bi do zaa, ka o ti dogi biduu maa, ka digili o yuuri Yeesu.
Prev
Play
Next
Volume
Speed
0.7511.251.52