1 1 Ọij sánacdye' p̂eyacsebi' tịj mu'in vóshi' Jesucristoty, mu' nash Davidtyi' vóshi' mu' judyeya' Abrahamtyi' vóshi' chime' mu'. 2 Mu' Abraham jiquej ạva'yi mu' Isaac, mu' qui Isaac ạva'yi Jacob, Jacob qui ạva'yi mu' Judá räjtumdye vojity mu'. 3 Judá ạva'yi mu' Fares judyeya' mu' Zara, mọ' Tamar tse' mu'in. Mu' qui Fares ạva'yi Esrom, Esrom qui ạva'yi mu' Aram. 4 Mu' qui Aram ạva'yi mu' Aminadab, mu' qui Aminadab ạva'yi mu' Nasón, mu' qui Nasón ạva'yi mu' Salmón, 5 mu' qui Salmón ạva'yi mu' Booz, Rahab tse' mu'. Mu' qui Booz ạva'yi Obed, Rut tse' mu'. Obed qui ạva'yi Isaí. 6 Mu' qui Isaí ạva'yi mu' ayo' David, mu' qui David ạva'yi mu' Salomón, mu' Salomónsi' tse' mu' Uríassi' p̂en mu' jiquej. 7 Mu' Salomón ạva'yi Roboam, mu' qui Roboam ạva'yi Abías, mu' qui Abías ạva'yi Asa. 8 Mu' qui Asa ạva'yi Josafat, mu' qui Josafat ạva'yi Joram, mu' qui Joram ạva'yi Uzías. 9 Mu' qui Uzías ạva'yi Jotam, mu' qui Jotam ạva'yi Acaz, mu' qui Acaz ạva'yi Ezequías. 10 Mu' qui Ezequías ạva'yi Manasés, mu' qui Manasés ạva'yi Amón, mu' qui Amón ạva'yi Josías. 11 Mu' qui Josías ạva'yi Jeconías räjtumdye vojity mu', yoqui'dyem' Babiloniaĉan cạc u in pạrej mu'in Israeltyi' vóshi' in. 12 Aty mu'ĉan cạc in mu' qui Jeconías ạva'yi mu' Salatiel, mu' qui Salatiel ạva'yi mu' Zorobabel. 13 Mu' qui Zorobabel ạva'yi Abiud, mu' qui Abiud ạva'yi Eliaquim, mu' qui Eliaquim ạva'yi mu' Azor. 14 Mu' qui Azor ạva'yi Sadoc, mu' qui Sadoc ạva'yi mu' Aquim, mu' qui Aquim ạva'yi Eliud. 15 Mu' qui Eliud ạva'yi Eleazar, mu' qui Eleazar ạva'yi Matán, mu' qui Matán ạva'yi Jacob. 16 Mu' qui Jacob ạva'yi José, vämtyi' Maríaty, mọ' qui María ạva'yi' mu' Jesús, Ji'c̣honacsity muntyi'. 17 Yacchuti' Abrahamya' tsi' in jun' qui' chuc na'i David jiquej, mu'ya' yiri'tac vạjpedye' jiyi vóshi' in, chiyiri'tacdye vạjpedye' jiyi vóshi' Davidya' yacchuti' jun' qui' chuc cạc jiquej in Babiloniave. Aty cạcya' in Babiloniave in, mu'ya' chiyiri'tacdye vạjpedye' jiyi vóshi' in, chat q̂uin'dyem' na'i mu' Ji'c̣honacsity muntyi'. 18 Ọij yi' me' na'i Jesucristo jiquej. María tse' mu' me' tsan' aty cạ̈nä'ñete José jiquej jambi' qui nam' mọ'tum ĉọshi. Chị́ye' mọ' a nam' jạjtsaques jiquej, ferdye'ya' Ạ'edyes Jen'si' mu'. 19 Mu' José vämtyidyety ra' mọ' anic rụij bä'yity, mọ'dyes mu' jam mạ'je' jị'tsicaye' muntyisya' vej mu'in, chat mu' dyijyi caminve ra' yacchui' mọ' María. 20 A tsan' me' dyijyi mu', vatyquej ji'caviti tamin'dye'ĉan yirity Jen'tyi' anjer mu'. Yi anjer jajiti: —Mi José vóshi' mu' Davidtyi', jam ra' noi'yi mi, vämi ra' mọmo' mi Maríache' ĉaĉaij na vo'coĉantyi' ạva' mọ' jaso'miti' Jen'si' Ạ'edye' mu'. 21 Son' ra' ạva' mọ', tịj ra' yụ'tyeyete mi Jesús, ĉaĉaij na mu' ra' ji'c̣honacsi juchajĉantyi' in ĉụi'tyi' muntyi' mu' —yi jajiti. 22 Me' nash paj qui cạ̈tsi' ọij Ayo'si' p̂eyacdye' mu', p̂eijbites mu' jaso'mitity p̂eyacdye' Jen' jiquej, yi mu': 23 “Mọ' p̂en jambi' ra' tyushtes son', ĉụi' ra' ạva'yi', son' ra' ạva' mọ', jị'ti'ete ra' in Emanuel.”31 Emanuel yi' ca yi' “Jen' tsuntum.” 24 Chat mu' José tsạ'i mu' se'vepte anjersi' p̂eyacdye', mu' Ayo'tyi' anjer. Chat qui mu' jụjyi mọ' jäque', 25 jambi' qui nam' tyushtye' jun' qui' chuc basdyi' mọ', chat mu' José yụ'tyeyete tịj Jesús.
Prev
Play
Next
Volume
Speed
0.7511.251.52