परमातिमा केर लड़िका यीसु मसीह केर खुसी केर खबर केर सुरुआति।  जइसन परमातिमा केर खबर सुनामइ वाले यशायाह केर किताब माहीं परमातिमा केर बानी लिखी हय कि "देखा, हम अपने दूत काहीं तोंहरे से पहिले भेजित हयन, जऊँ तुम्हरे खातिर मनयिन काहीं तइयार करी।  गाँव से दूरी सुनसान जघा माहीं एकठे मनई एतना चन्डे गोहराबत रहा हय कि अपने मन क तइयार कइके गइल सीध बनाइ ल्या, काहे कि परभू आँमइ बाले हँय।"  ऊँ गोहराँमइ बाले युहन्ना बपतिस्मा देंइ बाले आहीं, जऊँ गाँव से दूरिन सुनसान जघा माहीं बपतिस्मा देत रहें हँय, अउर ठाढ़ होइके कहँइ लागें अपने पापन क छोंड़िके मन काहीं बदला अउर बपतिस्मा ल्या जउने परमातिमा तोंहरे अपराधन क माफ कइदें।  सगले यहूदिया परदेस केर, अउर यरुसलेम सहर केर खूब मनई अपने घरन से निकरिके युहन्ना केर लघे गें, अउर अपने पापन काहीं मान लिहिन अउर यरदन नदी माहीं युहन्ना से बपतिस्मा लिहिन।  युहन्ना ऊँट केर बार से बनाबा ओन्हा पहिरत रहें हय अउर अपने करिंहा माहीं चमडा़ केर कमरबंद बाँधे रहत रहें हँय अउर चिड्डन काहीं अउर जंगल केर मछेंह केर रस खात रहें हँय।  अउर इया कहिके परचार करत रहें हय, कि "हमरे बाद जऊँ आँमइ वाले हँय, ऊँ हमसे खुब सक्तिशाली हँय; कि हम निहुरिके उनखे पनहीं केर डोरउ छोंरइ केर लाइक नहि आह्यन ।  हम त तोहईं पानी से बपतिस्मा दिहन हय पय ऊँ तुमही पवित्र आत्मा से बपतिस्मा देहँइ।" r (मत्ती 3:13; 4:11; लूका 3:21-22; 4:1-13)  एक दिना यीसु गलील खन्ड केर नासरत गाँव से आइके, यरदन नदी माहीं युहन्ना से बपतिस्मा लिहिन। १० यीसु जइसय पानी से बहिरे निकरिके ऊपर आँये तबहिनय ऊँ अकास काहीं खुलत अउर पवित्र आत्मा काहीं अपने ऊपरय कबूतर कि नाईं उतरत देखिन। ११ अउर अकास से इया बोल सुनान, "तूँ हमार पियार लड़िका आह्या हम तोंहसे परसन्न हयन।" १२ ओखे बाद पवित्र आत्मा हरबिन यीसु काहीं गाँव से दूरी सुनसान जघा माहीं लइगा। १३ यीसु सुनसान जघा माहीं चालिस दिना रहें, अउर सइतान उनखर परिच्छा किहिस; अउर उहाँ यीसु जंगल म रहँइ बाले जानबरन केर बीच माहीं रहें, अउर सरगदूत उनखर सेबा करत रहे हँय। r (मत्ती 4:12-17; लूका 4:14-15) १৪ जब हेरोदेस राजा युहन्ना क जेल माहीं डरवाइ दिहिस तय ओखे बाद, यीसु गलील खन्ड म आइके परमातिमा केर राज केर खुसी केर खबरि सुनामँइ लागें, १৫ अउर ऊँ कहिन, "सही समय आइगा हय, अउर हरबिन परमातिमा राजा बनिके आमँइ वाले हँय; पाप करब छोंड़िके मन काहीं बदला अउर खुसी केर खबर केर बिसुआस करा।" r (मत्ती 4:18-22; लूका 5:1-11) १৬ एक दिना यीसु गलील खन्ड केर झील के किनारे किनारे चलतइ चलत, ऊँ समौन अउर उनखे भाई अन्द्रियास काहीं झील म जाल डारत देखिन; काहेकि ऊँ पंचे मछरी पकड़ँइ वाले मछुआरा रहें हँय। १৭ यीसु उनसे कहिन, "हमरे पीछे चले आबा, हम तोंहईं मनइन काहीं परमातिमा केर लघे लइ आमँइ बाला बनाउब।" १८ अउर ऊँ पंचे हरबिन जाल क छोंड़िके यीसु केर पीछे चल दिहिन। १९ उहाँ से कुछ दूरी चले केर बादइ, यीसु जब्दी केर लड़िका याकूब अउर ओखे भाई यूहन्ना काहीं नाव म चड़े जाल सुधारत देखिन। २० यीसु उनही हरबिन बोलाइन; अउर ऊँ पंचे अपने बाप जब्दी काहीं मजूरन केर साथइ नाव माहीं छोंड़िके यीसु के पीछे चल दिहिन। r (लूका 4:31-37) २१ यीसु अपने चेलन केर साथइ कफरनहूम कस्बा माहीं गें, अउर यीसु पवित्र दिन काहीं यहूदी सभाघर माहीं जाइके हरबिन परमातिमा केर सँदेस सुनामँइ लागें। २२ अउर मनई उनखे उपदेस काहीं सुनिके चउआने; काहे कि यीसु उनही यहूदी नेम सिखामँइ बालेन कि नाई नहीं, बल्किन अधिकार केर साथइ उपदेस देत रहें हँय। २३ उहइ समय उनखे सभाघर माहीं एकठे मनई बइठ रहय, जउने माहीं एकठे बुरी आत्मा रही हय। २৪ एक दरकिन उआ चिल्लाइके कहँइलाग, "हे नासरत गाँव केर रहँइ वाले यीसु हमार तोंहसे कउनव काम नहिं आय, का तूँ हमहीं नास करँइ आया हय? हम तोंहँइ जानित हयन तूँ को आह्या? तूँ परमातिमा केर पवित्र मनई आह्या।" २৫ यीसु उआ बुरी आत्मा क डाँटिके कहिन, "चुप्पय रव्ह; अउर उआ मनई से बहिरे निकरि जा।" २৬ तबहिनय उआ बुरी आत्मा उआ मनई काहीं खूब अभुआइके खुब चंडे चिल्लाइके ओसे बहिरे निकरि गय। २৭ इया देखिके सगले जन चउआइ गें, अउर आपस माहीं कहँइ लागें, "इया का बात हि?" इया त कउनव नबा उपदेस हय! यीसु अधिकार केर साथइ बुरी आत्मन काहीं हुकुम देथें, अउर ऊँ उनखर हुकुम मनतीं हँय।" २८ अउर यीसु केर नाम हरबिन गलील खन्ड केर अगल-बगल केर सगले गाँमन माहीं फइलगा। r (मत्ती 8:14-17; लूका 4:38-41) २९ यीसु हरबिन यहूदी सभाघर से निकरिके याकूब अउर युहन्ना केर साथइ समौन अउर अन्द्रियास केर घर माहीं गें। ३० समौन केर सास काहीं बोखार चढी़ रहइ, अउर घरवाले यीसु से बताइन। ३१ तब यीसु समौन केर सास के लघे जाइके उनखर हाँथ पकड़िके उठाइन; तबहिनइ उनखर बोखार उतरिगय, अउर ऊँ उनखर सेवा करँइ लागीं। ३२ साँझ केर समय जब सुरिज बूड़़िगा तब खुब जनें सब बिमारन काहीं अउर उनहीं जउनेन माहीं बुरी आत्मा रहीं हँय यीसु केर लघे लइआयें। ३३ अउर कस्बा केर खुब मनई घर के सउहें एकट्ठा होइगें। ३৪ यीसु खुब जनेन काहीं जऊँ अनेकउ परकार केर बिमारिन से परेशान रहँइ नीक कइदिहिन, खुब बुरी आत्मन काहीं निकारिन, अउर बुरी आत्मन काहीं बोलँइ नहीं देत रहें, काहे कि ऊँ यीसु काहीं चिन्हती रही हँय। r (लूका 4:42-44) ३৫ भिनसरहइ सुरिज निकरँइ से खुब पहिलेन, यीसु उठिके घर से निकरिके गाँव से दूरी सुनसान जघा माहीं पहुँचिके पराथना करँइ लागें। ३৬ सकारे समौन अउर उनखर साथी उनही ढ़ूढ़ँइ गें। ३৭ जब यीसु उनहीं मिलिगें, तब ऊँ पंचे उनसे कहिन, "सगले जन अपना काहीं ढ़ूँढ़त लाग हेमँय।" ३८ यीसु उनसे कहिन, "आबा हम अउर कहँव लघे-लघे बस्तिन म चली कि हम उहँउ परचार करी, काहे कि हम येहिन खातिर निकरेन हय।" ३९ यीसु अउर उनखर सगले चेला पूरे गलील खन्ड माहीं उनखे सभाघरन माहीं जाइ जाइके खुसी केर खबर सुनाइन अउर बुरी आत्मन काहीं मनइन से निकालत रहिगें। r (मत्ती 8:1-4; लूका 5:12-16) ৪० एकठे कोढी मनई, यीसु के लघे आवा, अउर उनसे चरउरी करिस, अउर उनखे आँगे घुटुआ के बल बइठके हाँथ जोड़िके कहिस, "अगर अपना चाही त हमही सुध्द कइ सकित हयन।" ৪१ यीसु काहीं उआ मनई केर ऊपर बड़़ी दया आइगय, अउर आपन हाँथ बढा़इके ओही छुइन अउर कहिन, "हम चाहित हयन कि तूँ सुध्द होइ जा।" ৪२ अउर हरबिन ओखर कोढ़ केर बिमारी नींक होंइ लाग, अउर उआ निकहा होइगा। ৪३ तब ओही यीसु चेतउनी दइके हरबिन भेज दिहिन। ৪৪ अउर ओसे कहिन, "देखा कोहू से कुछू न कह्या, पय जाइके खुद काहीं याजक काहीं देखाया, अउर अपने सुध्द होंइ के बारे माहीं जऊँ कुछु मूसा नवी ठहराइन होइँ उआ भेंट चढा़या कि जउने लोगन काहीं पता चलइ कि तूँ सुध्द होइ गया हय। ৪৫ पय उआ बहिरे जाइके अपने निकहा होइँके खूब परचार करँइ लाग, अउर सगले कस्बा म इआ खबर फइलाइ दिहिस कि, यीसु पुनिके खुले आम कस्बा माहीं नहीं जाँइ पाँये, पय गाँव से दूरी सुनसान जघा माहीं रहत रहे हँय; अउर चारिव कइती से मनई उनखे लघे आबत रहिगें।
Prev
Play
Next
Volume
Speed
0.7511.251.52