1 1 Oni ngbɛɗi ja ebia ja Yesu Kristo*, wa amobɛ mbota ja Ɗabiti, wa amobɛ mbota ja Abrahamu. 2 Abrahamu aabɛ sangbɛ wa Isaki, Isaki aabɛ sangbɛ wa Yakɔbi, Yakɔbi aabɛ sangbɛ wa Juda na bana-nyango ba bomana, 3 Juda aabɛ sangbɛ wa Pɛrɛsi na Serahi, ba Tama amojɛ, Pɛrɛsi aabɛ sangbɛ wa Hɛsirɔni, Hɛsirɔni aabɛ sangbɛ wa Rami, 4 Rami aabɛ sangbɛ wa Aminadabi, Aminadabi aabɛ sangbɛ wa Nasɔni, Nasɔni aabɛ sangbɛ wa Salmɔni, 5 Salmɔni aabɛ sangbɛ wa Boasi, wa nyangbɛ amobɛ Rahabi, Boasi aabɛ sangbɛ wa Obɛdi, wa nyangbɛ amobɛ Ruti, Obɛdi aabɛ sangbɛ wa Yɛsɛ, 6 Yɛsɛ aabɛ sangbɛ wa Keni Ɗabiti. Ɗabiti aabɛ sangbɛ wa Salomoni, wa nyangbɛ amomabɛ ŋaɗana wa Uria , 7 Salomoni aabɛ sangbɛ wa Rehoboami, Rehoboami aabɛ sangbɛ wa Abija, Abija aabɛ sangbɛ wa Asa, 8 Asa aabɛ sangbɛ wa Yehoshafati, Yehoshafati aabɛ sangbɛ wa Yehorami, Yehorami aabɛ sangbɛ wa Usia, 9 Usia aabɛ sangbɛ wa Yotami, Yotami aabɛ sangbɛ wa Ahasi, Ahasi aabɛ sangbɛ wa Hɛsɛkia, 10 Hɛsɛkia aabɛ sangbɛ wa Manasi, Manasi aabɛ sangbɛ wa Amoni, Amoni aabɛ sangbɛ wa Yosaya, 11 Yosaya aabɛ sangbɛ wa Yekonia na bana-nyango ba bomana o ete ja bamokataneɗɛ bɔ ɗ'aɗoa o monyɛɗɛ iŋabu ɗ'aka o Babylon. 12 Ɗo fonda ja bamokataneɗɛ bɔ ɗ'aka o Babylon etombi, Yekonia aabɛ sangbɛ wa Sheatiɛɗi, Sheatiɛɗi aabɛ sangbɛ wa Sɛrubabɛɗi, 13 Sɛrubabɛɗi aabɛ sangbɛ wa Abiudi, Abiudi aabɛ sangbɛ wa Eɗiakimi, Eɗiakimi aabɛ sangbɛ wa Asori, 14 Asori aabɛ sangbɛ wa Sadoki, Sadoki aabɛ sangbɛ wa Akimi, Akimi aabɛ sangbɛ wa Eɗiudi, 15 Eɗiudi aabɛ sangbɛ wa Eɗeasa, Eɗeasa aabɛ sangbɛ wa Matani, Matani aabɛ sangbɛ wa Yakɔbi, 16 Yakɔbi aabɛ sangbɛ wa Yosɛfi, wa amobɛ momana wa Meri, wa amoja Yesu, wa abeɗɛbɛkɛ Kristo*. 17 Nane nyɔngɔni 14, ɗiboteɛ na Abrahamu, tɛtɛ na Ɗabiti. Ɗiboteɛ na Ɗabiti, tɛtɛ ete ja bamokataneɗɛ bɔ ɗ'aka o Babylon, nyɔngɔni 14. Ɗiboteɛ o ete ja bamokataneɗɛ bɔ ɗ'aka o Babylon, tɛtɛ na Kristo*, nyɔngɔni 14. 18 Nani bejabeɗi ba Yesu Kristo* bemoɗiɛ: Ete ene ja nyangbɛ Meri amomakakanɛɗɛbɛ ɗ'anjaba boɗuka na Yosɛfi, bakamakitanakee, emobɛ ɗama Meri amaɗiana ɗeme, ɗa ɗim'uweɛ na Eɗingi* ja Esangi. 19 Owe mome Yosɛfi, ɗo amobɛ moto wa 'imani chii-o-mboɗe*, asesakaka ɗikpeɗɛ mɔ isɔ o mokanya, amoɗangakeɛ ɗ'ita mɔ o ɗisɔ. 20 Ete ja amokɔngɛɗɛkɛ betafo beni, angɛɗi* fɔkɔ ja Sango* emobuɗeɛ mɔ o iyɔ, jɔ'ɔmeɛ mɔ ema, “Yosɛfi, mbota ja Ɗabiti, okaboke bɔngɔ ɗ'anja Meri ɗo ŋaɗana owabɛ, o nyoɗo ja ɗeme ɗa aɗiani ɗ'uweɗi na Eɗingi* ja Esangi. 21 Akoja ŋana wa momana wa ofokobeɗɛkɛ Yesu o nyoɗo ja afokosunga bato ibe o mabe imabu.” 22 Beni bii bemoboɗɛnɛkɛ ɗiɗondɛ eye Sango* Obasɛ amosɔsɔɛ o wana wa mosɔsɔ-emɛɗi-ja-Obasɛ* ɗama, 23 “Ngɔi, ngɔndɔ ja es'ijo momana efokoɗiana ɗeme, ma ejɛ ŋana wa momana, ma bamobeɗɛ mɔ Emanueɗi.” Ndango ema, “Obasɛ abɛɗi na isɛ.” 24 Ete ja Yosɛfi atoko o iyɔ, aaboɗa nga ɗo angɛɗi* ja Sango* emom'ɔmeɛ, a'anja Meri ɗo ŋaɗana owe, 25 eke ɗo ase'ijoa mɔ tɛtɛ aaja ŋana wa momana. Yosɛfi aajoa mɔ ɗina Yesu.
Prev
Play
Next
Volume
Speed
0.7511.251.52