1 1 Mahaenay ko kadado^do no laloma'an ni Yis. O tloc ni Apraham, o tloc ni Tafiti, o kadado^do no tato'asan ni Yis Kristo. 2 Ci Apraham ko mama ni Isak. Ci Isak ko mama ni Yakop. Ci Yakop ko mama ni Yuta ato salikaka ningra. 3 Ci Yuta ko mama ni Piric aci Cira. (Ci Tamar ko ina nangra.) Ci Piric ko mama ni Hicron. Ci Hicron ko mama ni Ram. 4 Ci Ram ko mama ni Aminatap. Ci Aminatap ko mama ni Nason. Ci Nason ko mama ni Salmon. 5 Ci Salmon ko mama ni Powac. (Ci Rahap ko ina ningra.) Ci Powac ko mama ni Opit. (Ci Rucu ko ina ningra.) Ci Opit ko mama ni Yisi. 6 Ci Yisi ko mama ni Tafiti a hongti. Ci Tafiti ko mama ni Solomon. (O nano fafahi ni Uriyah ko ina ningra.) 7 Ci Solomon ko mama ni Rihopoam. Ci Rihopoam ko mama ni Apiya. Ci Apiya ko mama ni Asa. 8 Ci Asa ko mama ni Yihosafat. Ci Yihosafat ko mama ni Yihoram. Ci Yihoram ko mama ni Uciya. 9 Ci Uciya ko mama ni Yotam. Ci Yotam ko mama ni Ahac. Ci Ahac ko mama ni Hicikiya. 10 Ci Hicikiya ko mama ni Manasi. Ci Manasi ko mama ni Amon. Ci Amon ko mama ni Yosiya. 11 Yo mapakafolaw a mapatayra i Papilon ko finawlan no Israil i, i tiyaay a ciwawa ci Yosiya ca Ihoyacinan a malikaka. 12 Namapakafolaw a mapatayra i Papilon ko finawlan i, ciwawa ci Ihoyacin ci Sialtiilan. Ci Sialtiil ko mama ni Cirupapil. 13 Ci Cirupapil ko mama ni Apiyut. Ci Apiyut ko mama ni Iliyakim. Ci Iliyakim ko mama ni Acor. 14 Ci Acor ko mama ni Catok. Ci Catok ko mama ni Akim. Ci Akim ko mama ni Iliyut. 15 Ci Iliyut ko mama ni Iliyacar. Ci Iliyacar ko mama ni Matan. Ci Matan ko mama ni Yakop. 16 Ci Yakop ko mama ni Yosif. Ci Yosif ko fa'inay ni Mariya. Ci Mariya ko mihofocay ci Yisan oya Kristo hananay. 17 Orasaka, o polong no nika dado^do no tato'asan nai ci Aprahaman tangasa ci Tafitian i, spat ko safaw. Nai ci Tafitian tangasa i nika folaw no finawlan no Israil a tayra i Papilon i, spat ko safaw no kadado^do. Namapakafolaw a mapatayra i Papilon tangasa ci Kristoan i, spat ko safaw no kadado^do. 18 Oya ina ni Yis Kristo ci Mariya i, mapatapangto aci Yosif. Nikawrira, yo caho ka raramod cangra i, mahapinang ni Mariya ko nika cipoyapoy ningra to nano Fangcalay 'Adingo. 19 O mo^celay ko faloco' a tamdaw koya mamalofa'inay ningra ci Yosif. Caay ka sapakangodoan cingra ci Mariyaan i ka'ayaw no tamdamdaw. Saka, lonok han ako a miliyas cingra, nasa ko pikton no faloco' ningra. 20 Nikawrira, yo misaharaterateng cingra tonini a dmak i, ma'araw ningra i lmed ko coyoh no Tapang. Sowal sa koya coyoh, <<Kiso o tloc ni Tafiti Yosifaw, aka ka talaw a cifafahi ci Mariyaan. Nawhani o nano Fangcalay 'Adingo koya i tiyaday ningra. 21 O mamahofoc cingra to fa'inayan a wawa. Ci Yis han ko pipangangan. Nawhani o papa'orip Cingra to finawlan Ningra a paliyas to raraw,>> han ningra. 22 O sakaira nonini a dmak a ma^min i, o nika lahci no nisowalan no pali'ayaway to sowal no Tapang toya, 23 <<O cacipoyapoy ko limecedan a mahofoc to fa'inayan a wawa. Ci Imanuil han ko pitahidang i Cingraan,>> sanay. (O tatodong no <<Imanuil>> i, <<Mikapot ko Kawas i titaanan,>> o sanay.) 24 Yo mapalal ci Yosif namafoti' i, do^do han ningra ko nipalimo'ot no coyoh no Tapang i cingraan a cifafahi ci Mariyaan. 25 Nikawrira, tangasa i nika hofoc ni Mariya toya Wawa i, caayho ka laccay cangra. Ci Yis han ningra ko pipangangan toya Wawa. Mahaen ko nika hofoc ci Yis Kristoan.
Prev
Play
Next
Volume
Speed
0.7511.251.52